Tennessee's a brother to my sister Carolina

Arg, eg kjedar meg. Eigentleg burde eg gjera lekser no. Oppgåve i K&H, skal laga ei dukke i hippiestil. Jippi, eg er jo så fantastisk flink til sånt. Og me (Cecilie T og eg) har fått to dagar mindre enn dei andre på å gjera dette her også, det skal vera klart og me skal helde ei lita framvising på tysdag. Det kjem ikkje til å gå. Då måtte eg ha jobba akkurat nå, og det gidd eg berre ikkje.
Dei førre tre vekene var forresten den fyrste perioden nokosinne der eg ikkje blei ferdig med alle leksene. Helvete, eg har dårleg samvit for det. Men ein kan vel ikkje få til alt bestandig.

Her om dagen, eller rettare sagt i går og i dag, merka eg SV-tendensar hjå meg sjølv. Det er ikkje heilt bra. Sidan når var eg sånn? Og eg merkar at eg har blitt veldig opptatt av miljøet (eg har alltid vore det då, men i ein sterkare grad no, meiner eg). Nei, dette var rare greier. Ikkje nødvendigvis dumme greier då, iallfall ikkje det om miljøet, men dei andre SV-tendensane må eg kvitte meg med. Ja.

No driv eg og planlegg ferien. Det ser ut til at alt krasjar litt, alt skjer rundt same tid. Det betyr at i starten og i slutten av ferien har eg ingenting å gjera. Slik ser det ut no:

11. - 16. juli: biltur til Stavanger og tilbake igjen
18. - 22. juli: kanskje AUF-leir
23. - 26. juli: Nebba (hytta)
27. - 29. juli: Månefestivalen
30. juli - 4. august: Nebba
4. august: Down on the Farm
8. - 11. august: Budapest og Szigetfestivalen

Frå 22. juni til 10. juli har eg då ingenting å gjera. Atten dagar, det er ei ganske lang tid. Får berre håpe Mallory og eg kanskje kan jobbe på jobben til mor hennar der. Eller, eg får håpe at ho er heime i det heile tatt. Viss ikkje er eg heilt åleine. Men men, det løyser seg vel.
Ah, ikkje lenge til no. 67 dagar til. Og dei dagane går fort, no er det jo nesten sommar og alt, iallfall blir det det snart. Herleg, dette har eg venta lenge på.

Nei, no skal eg henge opp nokre nye bilete på rommet; to stk Kaizerskonsertbilete, to stk Christer Knutsen og eitt stk Zahl. Må jo variere litt med kva eg har på veggane her. Kva bilete eg skal byte dei ut med veit eg då ikkje heilt, men det finn eg ut av. Får vel kanskje ikkje hengt dei opp før i morgon uansett, eg må kjøpe nye svarte ark fyrst. Kan jo ikkje ha bilete utan rammer. Papirrammar. Ikkje sei eg ikkje er kreativ.. Haha, right.
Og så må eg flette håret, det må eg ikkje gløyme. Eg er blitt nærmast avhengig av å ha krølla hår no, så eg flettar håret kvar kveld før eg legg meg, haha. Fint med litt forandring då.