It's all in your mind

Det irriterer meg grenselaust at eg ikkje får tak i Tumbleweedplatene. Eg fekk hyggjeleg svar frå Rolf Gjesdal; "Hey Kristin. Ja, det e absolutt kjekkare å kjøba musikken sin i butikken. Tumbleweed har gitt ud to ep'ar og to album. Pladekompaniet i Stavanger ska alltid ha tri av de i hyllå. (Den fjerde/fysste e "udgått"). De ordne det. Kos deg med musikken. Rolf." men - i Stavanger ja! Ikkje Oslo, neidå! Og kvifor har Platekompaniet der tre av platene når platekompaniet.no berre har ei? Nei, det her var rart. Eg får vel venta til juli med å kjøpe dei då. Irriterande.
Men det var gøy at han skreiv på stavangersk til meg. For det har eg aldri sett han gjera til nokon andre. Han må ha lese der det står at eg elskar rogalandsdialektane eller noko, haha. Herleg.

Men det at eg ikkje får tak i Tumbleweed er altså det største problemet eg har for tida, så sånn sett går ting flott. Var heilt greitt å byrja på skulen igjen også, eg har hatt nok ferie, kjenner eg. Berre vore heime (eigentleg ikkje då) i elleve dagar, det held for meg. No må eg berre forte meg å få gjort lekser, eg har mykje å gjera. Så eigentleg har eg ikkje tid til å skrive blogg no. Men eg trur ikkje eg får gjort noko lekser før i morgon uansett, har ikkje konsentrasjonen inne i kveld. Eg klarer meg vel, det viktigaste er engelskframføringa på torsdag. Fokk, mykje å hugsa der. Kjem til å gå til helvete. Men då får det berre gjera det, sjølv om eg har jobba veldig mykje med saka, dei andre har faktisk ikkje skrive eitt ord av det me skal seia.

Eg treng nye sko. I dag reiv eg faktisk av såla under den eine i det svarte converseparet, så trur det er på tide med nye ja. Fint, og ikkje minst utruleg, at pappa skal ta meg med ut på fredag og kjøpe. Kanskje eg får han til å spandere eit par CD-ar på meg òg.

Mja. Eg har utruleg lite å seia, så kvifor folk vil at eg skal skrive blogg veit eg ikkje. Kan då ikkje vera interessant å lesa sånt som det her. Så eg seier god natt eg. Eller god kveld. Whatever works for you.